காசு செய்த அரசியல்!!!

காசு செய்த அரசியல்!

அரசியல் தெரியா பாமரனும் இன்று அரசியல் பயின்றுவிட்டான்!
ஆனால் அதற்கு கொடுத்த விலை தான் அதிகம்!

மேடைகளில், கடைவீதிகளில், தெருக்கள் வரை,
பேசப்பட்ட அரசியல் இன்று வீடுகளினுள்ளும் பேசப்படுகிறது!
சாதி மற்றும் பணத்திற்காக ஓட்டுப்போட்ட மக்கள் மனநிலை மாறியது!
இன்று படும் அவலநிலைக்கு பணமே காரணம் என்ற புரிதல் வந்தது!

பணம் வாங்கியதால் உரிமையை இழந்தோம்! 

நாம் கொண்ட உடமையை இழந்தோம்! 

இன்று உற்றவரின் உயிரையும் இழந்தோம்!

பணவாத அரசியல் அதன் கோரத்தை காட்டிவிட்டது!

விழித்திடுக மக்களே, உங்கள் விசுவாசத்தை,
நமக்கான கொள்கை வைத்திருப்பவனிடம் காட்டுங்கள்!

நமக்கானவனை தேடுங்கள், தேர்ந்தெடுங்கள்!
பிரச்சனை வரும் போது கைகட்டி வேடிக்கை பார்க்காமல்!
முதல் ஆளாக எழுந்து, நமக்காக போராடி,

நம் உரிமையை நிலைநாட்டுபவனை கண்டுகொள்ளுங்கள்!

இதுவே மாற்றத்திற்க்கான முதல்படி! நிரந்திர வழி!

மாற்றம் நம்முள்ளே இருந்து ஆரம்பிக்கட்டும்!

விழு! எழு! சிந்தித்து செயல்படுக!

#BanSterlite
#Standfortuticorin

-செல்வா