வாழ்க்கை ஓர் அரிய பொக்கிஷம்!
அதன் ஒவ்வொரு நாளும் நம்வசம்!

வாழ்க்கையில் தென்றல் காற்றாக இருப்போமாக!
மற்றவர் இதமாக உணர்ந்துகொள்ள!
வாழ்க்கையில் தீபமாக இருப்போமாக!
பாதைக்கு வெளிச்சமாய் பிறர் பயணிக்க!
வாழ்க்கையில் நீராக இருப்போமாக!
பிறபொருள் விளைந்து, தானும் ஓர் உணவாக பயன்தர!
வாழ்க்கையில் மரமாக இருப்போமாக!
நல்ல காய், கனி, நிழல் மற்றும் பல்பொருளாய் பயன்தர!
வாழ்க்கையில் ஒரு புத்தகமாக இருப்போமாக!
பிறர் பயின்று அவர்கள் வாழ்வு சிறப்புற!!!

உன்னால் முடியும் என்று ஒருவர் கூறினால், 
அனைவருக்கும் புது உலகம் படைக்கும் துணிவு வரும்!

தினம் தினம் புதுமை படைத்திடுவோம்,
நமது சிந்தனையால், பேச்சால், செயலால்!

நாளை நமது கையில் தான், 
இன்று நம்சிந்தனை இலக்கை நோக்கி இருக்கப்பெறின்!!!

விழி.எழு.விருட்சமாகுக

-செல்வா

அரசாணை வந்தது!
ஆலைக்கு மூடுவிழா!
கட்டுக்குள் நிற்காத தவிப்பிற்கான முடிவுரை!
மக்கள் குரலுக்கான மணிமகுடம்!

இந்த வெற்றியின் விலையோ மிக அதிகம்!
விட்டுச்சென்ற வெற்றிடமோ மேலும் அதிகம்!
ஒன்றா, இரண்டா பதிமூன்று உயிர்கள்!
அராஜக ஆட்சியில் சுட்டு வீழ்த்தப்பட்ட தியாகிகள்!
சுதந்திர திருநாட்டில் தோட்டாவினால் உயிர் நீர்த்த முதல் பெண்!
ஓர் தனியார் ஆலை மூட அறவழியில் போராடி உயிர் நீர்த்தாள்!
இன்றும் என்றும் வரலாறாய் மாறிப்போனாள்!

ஐந்து நாள் முந்தி மூடியிருந்தால் இவ்வுயிர்களும் கொண்டாடி இருந்திருக்கும்!
மன்றாடி, அகிம்சையில் போராடி இருபதாண்டுக்குப்பின்னான வெற்றி!
இனியும் காலம் தாழ்த்தாத செயலுக்கு நன்றி!

வாழ்ந்த பூமி மலடாகி, பெய்கின்ற மழை அமிலமாகி,
சுவாசிக்கும் காற்று விசவாயுவாகியதன் விளைவே இந்த தொடர் போராட்டங்கள்!
ஒர் இரு நாட்களல்ல இருபது ஆண்டிற்குள் பலமுறை பூட்டப்பட்டு,
மீண்டும், மீண்டும் திறக்கப்பட்ட ஆலை அது!
இன்று மீண்டும் ஓர் தற்காலிக பூட்டு!
நீதிமன்றத்தில் வழக்கு இருக்க,
எப்படி சிந்திப்போம் இதுமுழுவெற்றி என!

எங்கள் நல்வாழ்வு,
உங்கள் நோக்கம் எனில்!
இத்தீர்ப்பு என்றும் மாறாது!
நாளை மேல் நம்பிக்கை கொள்வோம்!
இன்று இத்தீர்ப்பு உயிர்நீர்த்த தியாகிகளுக்கு சமர்ப்பணம்!

வாழ்க தமிழ்! வாழ்க தமிழர்!
வாழ்க செந்தமிழ் நாடு!

வாழிய! வாழியவே!

-செல்வா

மறதி இந்நாட்டின் தேசிய வியாதி!

நாட்கள் மிகவேகமாய் ஓடுகின்றன!
சுயபிரச்சனைகளை கடந்து சமுதாயத்தின் மீது அக்கறை கொண்டோர் இன்று நூற்றில் சிலர்!
மற்றவரோ காற்றில் வீசும் நறுமணத்திற்கு இணங்க மாறிக் கொண்டே இருக்கிறார்கள்!

என்னால் என்ன செய்ய முடியும் என்ற நிலை தாண்டி,
ஒவ்வொருவரும் இன்று ஊடகவியலாளரே!
நவீன காலத்தில் இன்றைய தகவல் பரிமாற்றம் அவர்களின் கையில்!

காற்று மற்றும் நீர் மாசுபடக்கூடாது என்பதே,
ஆலை இயக்கத்திற்கான அடிப்படை விதிமுறை!
ஆனால் இதை ஆலை ஒருபோதும் கடைபிடிக்கவில்லை!
அநீதியாக நடக்கும் ஆலையை யாரும் கண்டிக்கவில்லை!
இந்தியாவிற்கு தாமிரமே முக்கியம் என்பதுதான் ஸ்டெர்லைட்டிற்கான நிலைப்பாடு!

தொடர் போராட்டத்தை கண்டுகொள்ளா அரசு!
நூறாவது நாள் முற்றுகை போராட்டத்தை கலவரமாக சித்தரித்து!
அப்பாவி மக்களின் உயிர்களை காவு வாங்கியது!
ஒரு உயிர்க்கு சில லட்சங்கள் ஈடாகுமா?

அந்த நாள் ஓர் கருப்புநாள்!
தமிழக வரலாற்றில் படிந்த இரத்தவடு என்றும் மறைந்துபோகாது!

கிழிக்கப்படுவது தேதியாக இருக்கலாம்!
கடந்து செல்வது நாட்களாக இருக்கலாம்!
ஓடுவது வாரமாக இருக்கலாம்!
ஆனால் மங்கா நினைவுகள் கல் மேல் பொறித்த கல்வெட்டுகள்!
காயத்தில் ஏற்பட்ட ஆறா வடுகள்!

தழும்புகள் மறைவதுமில்லை! மன்னிக்கப்படுவதுமில்லை!

காலம் வரும்!
காத்திருப்போம் நாமாக!
ஓர் ஓட்டு உங்களின் தலையெழுத்தையும்,
எங்களின் தலையெழுத்தையும் சேர்த்தே மாற்றும்!

நம்பிக்கையுடன்!

#Standforthoothukudi

-செல்வா

ஒரு முதலாளிக்கு கைக்கூலிகளாய்!
காசுக்கு கையேந்தும் அடிமைகளாய்!
பணத்திற்கு பணியும் துரோகிகளாய்!

சொந்த மக்களை கொன்ற பாவிகளாய்!
அமைதிப்போராட்டத்தை குலைத்த நரிகளாய்!
போராட்டத்தை கலைக்க காலம் தேடிய புலிகளாய்!
ஒன்றும் அறியா அப்பாவிகளை கொன்று குவித்த பாவிகளாய்!

எந்தவித முன்னறிவிப்புமின்றி தாக்கிய கோழைகளாய்!
அநீதிக்கு துணை நின்ற தூண்களாய் உள்ளாய்!

மரண தண்டனை பெற்றவனுக்குக்கூட கடைசி ஆசைக்கு உரிமை உண்டு!
ஆனால் எம்மக்களுக்கோ அதற்கு கூட ஓர்கணம் கிடைக்கவில்லை!

இழக்கும் வயதில் அவர்களும் இல்லை!
துறக்கும் வகையில் அவர்களின் துன்பமும் இல்லை!

இனி இல்லை என்ற சொல்லே ஒலிக்க வேண்டும்!
பணத்திற்காக எவனுக்கும் ஓட்டில்லை!
மக்களை கொன்றவனுக்கு ஆசனமில்லை!
கபட நாடக காரணுக்கு பதவி இல்லை!
நாங்கள் விழித்துவிட்டோம். இனி ஒருபோதும் உறங்கமாட்டோம்!
காலம் வரும் அன்று எங்கள் ஓலத்திற்கான விடைகிடைக்கும்!

ஓர் ஓட்டு! அதில் உன் பலம் காட்டு!
இழந்ததை கணக்கிட்டு!
நல்வழி காட்டு!

விழி. எழு. சுடர்விடு!

#Bansterlite
#Standforthoothukudi

-செல்வா

யார் காரணம்?

யார் காரணம் எங்கள் துன்பத்திற்கு! கார்பரேட்டுகளா?
இல்லை அதனிடம் பணம் வாங்கிய அரசியல்வாதிகள் மற்றும் அதிகாரிகளா?

எதற்காய் சுட்டீர்கள் அறவழியில் போராடியவர்களை அச்சுறுத்தவா?
இல்லை இந்த அரசு மக்களுக்கானது அல்ல என்ற ஐயம் தீர்க்கவா?
வீதி வந்து வயது,பாலினம் பாராமல் போராடிய துணிவை அடக்கவா?
ஒன்றா, இரண்டா பதிமூன்று உயிர்கள் அல்லவா, இன்னும் பல வலிகள் அல்லவா!

ஒன்றாய் கூடிய மக்களின் உணர்வு புரியவில்லை!
அவர்களின் துணிவு கண்டு உங்கள் நெஞ்சம் பொறுக்கவில்லை!
அதன் ஒற்றுமை கண்டு உங்கள் அஸ்திவாரம் நிலைக்கவில்லை!
தனியார் ஆலைக்கு கொடுத்த முன்னுரிமையை,
சொந்த மக்களுக்கு கொடுக்க தவறியது ஏன்?

எந்தவித முன்அறிவிப்புமின்றி சுட்டு வீழ்த்தினாய்!
நியாயம் கிடைக்க வேண்டும்!

மீறப்பட்ட மனித உரிமைக்கு, நீதி கிடைக்க வேண்டும்!
நோய் பரப்பும் ஆலைக்கு நிரந்தர  பூட்டு போட வேண்டும்.

#Bansterlite
#Standforthoothukudi

-செல்வா

தூத்துக்குடி அநீதி!

இந்த நாள் ஓர் கருப்பு நாள்!
அநீதிக்கும் அடக்குமுறைக்கும்,
இடையில் அப்பாவிகள் கொல்லப்பட்ட நாள்!
காவல் அதன் கண்ணியத்தை இழந்த நாள்!
மக்கள் பிரதிநிதி அடக்குமுறையை ஏவிய நாள்!

எங்கனம் மன்றாடுவேன்!
சொந்த நாட்டில் அடிமை அரசு!
மக்கள் நலம் விரும்பா கைக்கூலிகள்!
அப்பாவிகளை சுட்டுக் கொன்ற துப்பாக்கிகள்!
காலில் சுடவேண்டிய துப்பாக்கிகள் குறி தவறினவே!

தன் அடிப்படை உரிமை இழந்தான்!
தன் அடிப்படை உடமை இழந்தான்!
இப்பொழுது போராடி சுவாசிக்க சுத்தமான,
காற்றை பெறமுடியாமல் மூச்சைவிட்டான்!
இளைஞனும், யுவதிகளும் இந்த அற்ப,
அரசியல்வாதிகளால் கொள்ளப்பட்டார்கள்!
ஒருகணம் யாரும் யோசிக்கவில்லை!

மனித நேயம் மண்ணில் புதைக்கப்பட்டுவிட்டது!
அகம் கொண்டவனை, அறம் என்றும் விடாது!
மக்களின் கண்ணீரில் மாண்டு அழியும் இவ்வரசு!!!

#BanSterlite
#Standfortuticorin



-செல்வா 

அம்மா தமிழின் ஆகச்சிறந்த வார்த்தை!

கருவிற்கு உன் உயிர்கொடுத்து ஈன்றெடுத்தாய்!
சேட்டைகள் பல புரினும் எனை அள்ளி அனைத்து தேற்றினாய்!
தாய் மொழியாம் தமிழை தீத்திப்பாய் ஊட்டினாய்!
அல்லல் பலவரினும் அதை சமாளித்து காத்தாய்!

சமைத்து பிறர் உண்ண நீ கண்டு அகமகிழ்ந்து பின் உண்டாய்!
எங்களுக்கு குறைவில்லாமல் பார்த்து அதில் ஆனந்தமுற்றாய்!
யாரிடத்திலும் ஒருபோதும்  எனை விட்டுக்கொடுக்காமல்,
என்மீது பூரண நம்பிக்கை கொண்டவளே!

எத்தனை இடர் வந்தாலும் உன் அன்பின் சுடர் ஒருபோதும் மங்கவில்லை!
நீ கண்ட கனாவும், கடவுளிடம் கொண்ட வினாவும் எமது உயர்வுக்கே!
நானும் உன்னை பெருமிதம் கொள்ள வைப்பேன் தாயே,
அதுவே எனது இலட்சியம், ஓர் சான்றோனாக உருபெற்று  உன்னை மகிழ்விப்பது!

வாழ்க! நீர் வாழ்க!

இனிய அன்னையர் தின வாழ்த்துக்கள்!!!

-செல்வா

வெள்ளை உடையணிந்த கமலம் நீ!
நல்ல உள்ளம் கொண்ட பவளம் நீ!
சேவை எண்ணம் கொண்ட ஔவை நீ!
இறைவன் அளித்த இரண்டாம் தாய் நீ!
காலம்பாராமல் உழைக்கும் கடிகாரம் நீ!

அவசரகாலத்திலும் தன்னலம் பாரமல் பணியாற்றும் போராளி நீ!
என்னை ஈன்று எடுக்க உதவியவள் நீ!
வயது, பாலினம் பாரா பண்பு கொண்டாய் நீ!
உடைந்தவர்களின் வாழ்வை சரிபடுத்துபவர் நீ!
பல மனநிலை கொண்டோரை அரவணைத்து தேற்றினாய் நீ!

உன்னை போற்றிட ஒரு நல்தினம் இது!
பல தலைமுறை காத்த நீர் வாழ்க! 
நின் சேவை தழைத்து வளர்க!

இன்நாடும் இம்மக்களும் உன் சேவையை என்றும் மறவார்!!!

வாழ்க! வாழ்க!!!

-செல்வா

பெண் சுதந்திரம்!!!

சுதந்திரம் மிக உணர்ச்சிபூர்வமான வார்த்தை!
மனித பிறவிகொண்ட நாம் அடக்குமுறை இன்றி வாழ்வதது!
பிறனில் அடிபணியாமல் தன்னொழுக்கத்துடன் வாழ்வதது!

ஆண் பெண்னையும், மேல்சாதியான் கீழவனையும் கட்டுபடுத்தவே கதை
திரித்தான்!
அடக்கி ஆள பலபல சாங்கியத்தையும்,சம்பரதாயத்தையும் படைத்தான்!

சுதந்திர அறிவு பெற்றால் பெண்டிர் ஆண்துணை தேடார்!
கருத்து,கல்வி,பொருள் என தன்காலில் தானே நிற்பார்!
அதனாலே அடக்கியாள பல வியூகம் அமைத்தான்!
அதை சமுதாயத்துடனும், சமயத்துடனும் முடிச்சிட்டான்!
மீறுவோர் குற்றவாளி என இரும்புக்கரம் கொண்டு அடக்கிட்டான்!

ஆனால் அந்நிலை இன்றில்லை,
ஈ.வே.ரா போன்ற இன்னபிற தக்கோரால் தொலைந்திட்டது அந்நிலை!
பெண்டிர் பலபல அரிய செயல் புரிந்து மேல் எழுந்த நிலை!
அனைத்து செயல்களையும் பாகுபாடின்றி செய்யும் காலநிலை!

இனியாவது கட்டுப்படுத்தாமல்,
கைபிடித்து சமமாக நடப்போம்!
தூரம் சிறிதே துணை இருக்க...

-செல்வா

துயில் கலைத்திடு தமிழா!!!

எவன் தலையில் மொட்டை அடிச்சா எனக்கென்ன?
இதுதான் ஆள்பவரின்  நிலைப்பாடு இன்று!

தன்னலம் கருதி அடகு வைத்திட்டனர் தமிழ்நாட்டை!
ஆளுமை மடிந்ததால், காற்றிற்கு மடியும் புல்லாகிவிட்டனர்!

காலி இடமிருக்க காண்பவருக்கெல்லாம் ஆசையாம்!
கேலி செய்யும் நடிகர்களுக்கு குடியாள ஆசையாம்!
வேடமணிந்து வந்திங்கே வெறும் படம் காட்டுகிறார்கள்!
மோசம்போகா கூட்டத்தை குழப்பிவிட பார்க்கிறார்கள்!

சாதி, மத போர்வையில் குற்றம் புரிவோர் பலர் இங்கு!
அவருக்கு துணைபுரிவோர் அதிகாரத்தில் பலர் இங்கு!

இந்திரியம் கொண்டுள்ளோம், அறிவிற்கு பஞ்சமில்லை சற்று ஆராய்ச்சி தேவையடா!
உற்று நோக்கு பல வேசங்கள் கலைந்து உண்மைகள் புலப்படும்.
காண்பவை கானல் நீரா, இல்லை கடலா என தென்படும்.

விழி.எழு.வீரியமாகுக.

-செல்வா

போட்டி உன்னுடனே!!!

வாழ்வில் யாரையும் குறைத்து மதிப்பிடாதீர்கள், 
அதற்கு பதிலாக அவர்களின் குறைகளை களைய முற்படுங்கள்!!!
சில நேரம் தவறுகள் சுட்டிக்காட்ட இடம் கொடுக்கலாம்,
ஆனால் இங்கு யாரும் பூரண சரியானவரில்லை!!! 
காலம் கனியும் காத்திருப்போம் நாமாக!!!

வாழ்க்கையும் இப்படித்தான்.
ஓவ்வொருவரும் தான் சிறந்தவன், தேர்ந்தவன்,
சுத்தமானவன் என்பதை நிரூபிக்காமல்.
மற்றவரை அடையாளமிட்டு அவர்களை விட சிறந்தவன்,
என நிருபம் செய்கிறார்கள்!!!!

மொத்தத்தில் தன்னிகரற்ற தனித்தன்மையை யாரும் நிரூபிக்கவில்லை!

அவ்வாறு  ஒவ்வொருவரும் நிரூபிக்க புறப்பட்டால் அனைவரும் சாதித்தவர்களே!!!

தன்னை தன்முயற்சியால் முந்துகிறவனும்,
அதை நிரூபிப்பவனுமே தன்னிகர் அற்றவன்!!!

நீயும் ஆயத்தாமாகு, நானும் ஆகிறேன்!
ஆனால் போட்டி உனக்கு நீயும், எனக்கு நானுமே!!!

வாழ்த்துக்கள் 👬

-செல்வா...

இந்த நொடியில் வாழ்வோம்!!!

வாழ்வும் அப்படித்தான்,
இந்த மனித மனமும் அப்படித்தான்!!!

இருப்பதை விட்டுவிட்டு இல்லாததை எண்ணி நினைத்துருகும்!
நினைத்தது கிடைத்தால் அதன் நிலையாமையை கண்டு கவலை கொள்ளும்!!!

கடந்தவை கசப்பு எனில் அவை நல்அனுபவமாகும்,
அல்லாமல் இனிப்பு எனில் அவை நல்நினைவுகளாகும்!

கடந்தவை நம்மை ஒருபோதும் கட்டுப்படுத்தா!
அஃதே வருபவை நம்மை ஒருபோதும் பயமுறுத்தா!
அவ்விதமே ஏதிர்கொள்ள மனதை பயிற்றுவிப்பாயாக!!!

இருக்கும் ஒவ்வொரு  நொடியையும் முழுமையாக உணர்க!!!

இந்த நொடி வாழ விளைவோம்!!!

விழி.எழு.விருட்சமாகுக!!!

-செல்வா

பயணங்கள் வாழ்வின் புத்துயிர்புக்கள்!
எதிர்கால நினைவிற்கான உண்ணத வைப்புத்தொகைகள்!
முகம் தெரியாத மனிதர்களின் வியப்பூட்டும் சந்தை!
சகிப்பு தன்மையை பயிற்றுவிக்கும் சரியான ஆசான்!

நாம் முன்வர வண்டி தாமதமாகவும்,
வண்டி முன்வர நாம் தாமதமாகவும்,
இரண்டும் சரிவர சாலை நெரிசல் ஆகவும் துவங்கிடும் பயணம்!

சன்னல் ஓரத்து இடம் அதீத சுகம்!
அதில் காணும் காட்சிகள் சாலை ஓர வாழ்வின் எதார்த்தங்கள்!!!

எண்ண ஓட்டத்திலும் எதிர்பார்பிலுமே பயணங்கள் அமைகிறது!!!
ஓடும் பாதையில் ஒன்றை முந்த இன்னொன்று என,
பலபல தடைகளை கடந்து சென்றடைவதே பயணம்!
அதுவே வாழ்விற்கான சிறந்த எடுத்துக்காட்டுகள்!

பயணங்கள் சில நேரங்களில் பாடமாகவும்,
பல நேரங்களில் காட்சிப் படமாகவும் அமைகிறது!

எது எப்படி ஆகினும் பலவை நம்கையில் அல்ல என்பதை,
ஒவ்வொரு பயணமும் நினைவுபடுத்துகிறது!!!
பயணப்படுவோம் பதற்றப்படாமல்...

விழி.எழு.விருட்சமாகுக!!!

-செல்வா