உலகின் மூத்த தமிழ் மொழியை தாய்மொழியாக கொண்டதில் பெருமிதம் கொள்பவன். காலங்கடந்த தமிழை அடுத்த தலைமுறைக்கு வலிமையாக தோள் கடத்த நினைப்பவன். கரையில் நின்று தமிழ் கடலை வேடிக்கை பார்க்கிறேன், கண்ணில் காண்பது எல்லாம் ஆச்சரியமூட்டுகிறது!!! வாழ்க தமிழ்! வளர்க தமிழ்!!! -செல்வா...
எண்ணங்கள்!
எண்ணங்களில் வண்ணம் சேருங்கள் வாழ்க்கை வண்ணமாகும்!
எண்ணங்களில் ஒளியேற்றுக
வாழ்க்கை ஒளிபெரும்!
எண்ணங்களில் நம்பிக்கை விதையுங்கள் வாழ்க்கை விருட்சமாகும்!
எண்ணங்களே வாழ்வை விதைக்கும்!
எண்ணங்களே வாழ்வை வளர்க்கும்!
எண்ணங்களை வாழ்வை தீர்மானிக்கும்!
இனி ஏன் தாமதம் வா நல்லதை நினைப்போம்!
-செல்வா!
பெண்ணே!
தூரம் உன்னை என்ன செய்யும் பெண்ணே?
துவளாத இரு கால்கள் இருக்கும் வரை!
பாரம் உன்னை என்ன செய்யும் பெண்ணே?
தாங்கி நிற்க வலுவான தோள் இருக்க!
நேரம் உன்னை என்ன செய்யும் பெண்ணே?
யாருக்கும் பணியாத நேர்மை இருக்க!
வீரம் உரைத்த பல பெண்கள் உண்டு!
வெற்றி படைத்த பல பெண்கள் உண்டு!
வரலாற்றில் உனக்கும் ஓர் இடமுண்டு!
அதை நீயே எழுதிட செயலால் விரைந்திடு!
-செல்வா!
உயரே பறந்திடு!
ஏறித்தீர இன்னும் எத்தனை படிகள்!
ஏறாமல் தடுக்க எத்தனை தடைகள்!
ஒவ்வொன்றாக ஏறி இலக்கடைய
எத்தனை சீரிய நோக்கம் வேண்டும்!
ஒவ்வொன்றாக தடைகள் களைய
எத்தனை உறுதியான மனம் வேண்டும்!
இலக்கு ஒன்றை தீர்மானித்தேன்!
அடையும் வரை உறங்கமாட்டேன்!
விடியும் வரை விண்மீன் தெரியும்!
உறங்கிக்கிடந்தால் எப்படி தெரியும்!
விழி.எழு.விருட்சமாகுக!
-செல்வா!
