உலகின் மூத்த தமிழ் மொழியை தாய்மொழியாக கொண்டதில் பெருமிதம் கொள்பவன். காலங்கடந்த தமிழை அடுத்த தலைமுறைக்கு வலிமையாக தோள் கடத்த நினைப்பவன். கரையில் நின்று தமிழ் கடலை வேடிக்கை பார்க்கிறேன், கண்ணில் காண்பது எல்லாம் ஆச்சரியமூட்டுகிறது!!! வாழ்க தமிழ்! வளர்க தமிழ்!!! -செல்வா...
தடை!
துணிந்து செல்பவனுக்கு
தூரமும் பாரமும் தடையில்லை!
இலக்கை கொண்டவனுக்கு
ஓய்வும் பயிற்சியும் வேறில்லை!
பயந்து நிற்க எதுவும் சாத்தியமில்லை!
துணிந்து எதிர்க்க தடைகள் நிற்பதில்லை!
படை சிறியதோ பெரியதோ!
மனித மனம் பெரியதே!
மனதார நினைப்பின்
அடைவது உறுதி!
-செல்வா!
வாழ்க்கை!
வாழ்க்கை இனிமையானதே
சுவைக்கத்தெரிந்தவர்களுக்கு!
வாழ்க்கை சுவாரசியமானதே
ரசிக்கத்தெரிந்தவர்களுக்கு!
வாழ்க்கை எல்லையற்றதே
பார்க்கத்தெரிந்தவர்களுக்கு!
வாழ்க்கை தொல்லையற்றதே
பழகத்தெரிந்தவர்களுக்கு!
வாழ்க்கை சண்டையற்றதே
கேட்டு பேசுபவர்களுக்கு!
வாழ்க்கை மகிழ்வானதே
சிரிக்கத்தெரிந்தவர்களுக்கு!
எண்ணங்களை மாற்றினால்
வண்ணங்களாய் வாழ்க்கை மாறும்!
- இனிய தமிழ் செல்வா
